top of page
  • Writer's picturebw2046

久休復出 孫佳君預告新年拍許嘉浩創作其自家頻道

影視女星孫佳君與形象指導好友許嘉浩(Karl Hui)日前拍攝網上直播節目《KARL HUI in the House》。二人均以紅白造型上陣及品酒,提早慶祝聖誕佳節。無所不談的二人更在直播中率先跟粉絲預告將於2024新一年推出新節目。 孫佳君表示近年網絡世界多姿多彩,自己也有留意很多新的網紅及直播主持相當具創意: 「最近四出旅行,滑雪行山時都有Post出短片跟朋友分享。見到都有兩岸三地嘅粉絲留言話好耐無見我, 好Miss我。機緣巧合下,我哋喺Common Friend嘅聚會中同Karl Jam出可以試下開自己嘅網上頻道。分享下自己嘅Daily Life同邀請好多好耐無聚嘅圈中朋友一齊上嚟Chill Chat聚舊。好欣賞Karl有無窮無盡嘅創意,而且執行力相當高! 無諗到果日Gathering傾完佢即刻同佢團隊Plan好晒點拍,過兩日就即刻開工拍攝。唔似其他之前搵我傾咗好耐嘅人咁, 「下次得閒飲茶」咁款,傾到2046都未實行到。」講到資深主持鄭裕玲(Do姐)同樣開設新YouTube Channel,並在短時間獲得好的口碑和登上年度熱搜第一名。孫佳君稱有留言Do姐的Channel, 還有默默偷師: 「Well Done! 當然我無佢咁犀利。佢主持嘅技巧同節奏真係Excellent! 我要學習掌握拍攝講嘢嘅Tone同技巧, Keep住要觀眾有想追看我Channel嘅感覺。」

而許嘉浩(Karl Hui)老示跟孫佳君有很多新穎的創意和想法,讚對方很型格和爽直,話做就做。當然有看她之前跟周星馳合演的經典電影《百變星君》。但今次幫她製作其新Channel帶給觀眾粉絲一個跟以前她經典電影完全不一樣的感覺: 「觀眾宜家好鍾意真實,睇生活化嘅藝人,同知道佢平日生活的足跡,孫佳君如其名很SunShine,所以都會從生活化拍攝中以正能量的心靈雞湯同時鼓勵每天收看的觀眾粉絲。」身為孫佳君新創作自家頻道監製的Karl透露孫佳君表現大勇,目前於短短兩星期已完成五集節目拍攝。而日前其好友湯寶如更在其I.G. 貼出跟二人合作拍攝的花絮,寫上: 「謝謝你的邀請。一個很開心的訪問期待 ❤️ #thankyou @karlhuikaho」 預告了湯記將成為首集對談嘉賓,𣈱飲大談古今情。令觀眾粉絲和嘉賓本人也相當期待作品出街。Karl更透露巳拍攝的部份包括著名星級排舞師Sunny Wong跟孫佳君的舞蹈特訓,更安排了不少高大小鮮肉跟孫佳君去Dating,享盡視覺和五感的享受。更揚言於2024年1月會為孫佳君舉行其新自家頻道發佈Party,與嘉賓好友見證其新Baby誕生!

問到孫佳君是否全面復出? 她說: 「隨心。的而且確這兩年喺兩岸三地有唔少劇本找我。其實一有好的劇本同之前未做過又有挑戰性的角色就Can Do! 」 好似之前出了街, 受邀擔任人氣男團ERROR《枱底隧道》MV女主角的孫佳君大讚四子幽默好玩又勤力: 「只要適合我又夾到Schedule, Have Fun 最緊要! 」

二人在對談期間也表示有追看熱播劇集《新聞女王》。傳理系出身的Karl大讚整個故事十分立體,角色編排發揮具張力。而孫佳君也有留意佘詩曼的角色, 更說如果有「Man姐」這種那麼tough 的獨立女性角色也可以找我。除了在新年推出其全新網上自家頻道外, 孫佳君還預告今年農曆新年賀歲片檔期將會見到久未拍戲的她有新電影見觀眾: 「係爾冬陞監製, 麥啟光導演的賀歲片《臨時劫案》。」據知她將會跟同樣Keep得咁好的郭富城有對手戲。另一部已拍攝的為由古天樂和林家楝主演的《惡行之外》。她更說正籌備明年計劃在香港開拍以女性母愛偉大為題的勵志電影。看來2024計劃多多的孫佳君狀態大勇以不同的新作品與觀眾粉絲見面。難怪她說於聖誕新年假期將抽時間飛回新加坡與家人及閨密共聚慶祝,回來便Mark好Schedule預備連串宣傳工作及拍攝大計了。






Comments


bottom of page